Поради снежна виулица со силен ветер што го погоди Букурешт и 12 окрузи во Романија, каде што висината на снежната покривка достигна до половина метар, затворени се некои делници од автопатите, откажани се поаѓања на возови и летови на авиони, а наставата во неколку училишта е прекината, соопштија денеска романските власти, објави Digi24.

Одделението за вонредни состојби издаде предупредување до населението да ги избегнува патувањата колку што е можно повеќе, а сериозните временски непогоди, кои се најавени за утре, ќе погодат повеќе од половина од Романија.

Во планинското подрачје на округот Димбовичоара, во централна Романија, жандармеријата интервенирала за да помогне во расчистувањето на патиштата што ги затрупала лавина, а во тој регион во моментов повеќе од 50.000 корисници се без електрична енергија.

Откажани летови и возови во Букурешт – аеродромот е затрупан од снег