Денеска во 10 коло од најсилната хрватска лига составот на Риека загуби на гостувањето кај Шибеник со 2:0.

Во 12 минута стрелец на водечкиот гол за домаќините го реализираше Марко Булат, а проблемите за гостите се зголемија непосредно пред паузата.

Нашиот репрезентативец Дарко Велковски поради прекршок доби жолт картон од главниот судија. Не се согласи со одлуката на арбитарот кој веднаш забележа дека дотрча Македонецот до него и по вторпат го крена жолтиот картон што автоматски значеше предвремено напуштање на теренот.

Тоа противникот знаеше да го искористи, во 74 минута постигна уште еден гол преку екс членот на Работнички, Емир Сахити. За Шибеник настапија уште двајца наши интернационалци, Исник Алими и Тодор Тодороски.

Моментно на табелата Риека е на четвртото место со 12 бодови, а Шибник на седмата позиција со 10.