Хрватската фудбалска репрезентација се врати од Светското првенство, на аеродромот Фрањо Туѓман, играчите беа пречекани од неколку стотици навивачи, а сите чекаа да чујат што ќе каже селекторот Златко Далиќ.

– Моравме, требаше и заслужувавме повеќе. Мислам дека одигравме добар турнир, покажавме дека можеме, но не сè помина како посакувавме. Понекогаш победуваш, понекогаш губи. Тоа е животот, тоа е фудбалот – рече Далиќ.

Хрватите беа второпласирани во групата Л, стартуваа со пораз од Англија (4:2), па триумфираа над Панама (1:0) и Гана (2:1). Во 1/16 финалето загубија од Португалија со 2:1.

– Според мене, одигравме добар турнир. Двата натпревари, против Португалија и Гана, беа навистина на високо ниво, на нивото на кое треба да биде Хрватска. Штета е што не успеавме да се пласираме. Кога ќе се собере сè, тоа е комбинација од околности. Наша е вината што не направивме повеќе. Имавме лоша среќа и грешки, и на крајот се вративме дома порано отколку што сакавме. Ви благодариме на сите за вашата поддршка, им благодариме на луѓето што беа со нас овие 10 дена – вели Далиќ.

Во изминатиот период веднаш по елиминација се зборуваше дали хрватската репрезентација и натаму ќе ја води Далиќ.

– Тукушто се вративме дома. Сакам да му се заблагодарам на претседателот на Федерацијата за неговата поддршка и доверба. Веќе реков дека ќе разговараме во наредните денови и ќе донесеме одлука што е најдобро за хрватскиот фудбал и за сите нас. Ова дефинитивно е крај на една ера, крај за некои од играчите и одлична приказна – се зборовите на Далиќ.