Дефанзивецот на Египет, Мохамед Хани, стана првиот фудбалер во историјата на Светските првенства кој постигнал два автогола на едно издание на турнирот.

Слободниот удар на австралискиот играч за врска Ејден О’Нил во 55. минута од натпреварот од осминафиналето го погоди Хани во главата и заврши во мрежата на Египет, со што Австралија израмни на 1:1.

Само неколку минути претходно, Хани остана да лежи на тревникот по судирот со австралискиот играч за врска Конор Меткалф, додека двајцата се бореа за топката во шеснаесетникот.

Загрижените играчи на Египет веднаш повикаа медицинска помош, а Хани неколку минути добиваше третман поради сомнеж за потрес на мозокот, пред лекарите да му дозволат да го продолжи натпреварот. Медицинскиот тим беше подготвен покрај теренот со носилка, но таа не беше употребена.

Хани претходно си постигна автогол и во ремито на Египет (1:1) против Белгија во групната фаза на турнирот.

Египет на пенали ја елиминираше Австралија и избори историско осминафинале