Француската фудбалска репрезентација денеска од 23.00 часот на стадионот „Линколн Фајненшел Филд“ во Филаделфија ќе игра против Парагвај во осминафиналниот натпревар од Светското првенство, но нема да ги пречека со најсилниот состав.

Сепак, прашањето е колку сфаќањето дека резервен напаѓач не може да им помогне всушност ќе биде негативно за Французите.

Имено, Маркус Тирам не тренираше со тимот во последните денови поради болки во потколеницата и ќе го прескокне осминафиналниот натпревар.

Според „Л`Екип“, откако не настапи во победата од 3:0 над Шведска во 1/16 финалето, Тирам не продолжи со тренинзите со националниот тим и ќе го пропушти мечот со Парагвајците.

Нормално, тимовите би биле значително ослабени поради отсуството на човек кој минатата сезона постигна 18 гола во сите натпреварувања за италијанскиот шампион Интер, но тоа не е случај за Французите.

Тирам одигра само неколку минути досега на Мундијалот, против Ирак настапи во судиското надополнување (90+1`) како замена за Килијан Мбапе, а од клупата ги гледаше мечевите, победите над Сенегал, Норвешка и Шведска.