Заврши првата рунда од нокаут фазата на Светското фудбалско првенство, сега сите погледи ќе бидат насочени кон натпреварите од осминафиналната фаза.

Покрај трката за светската титула, ќе биде и интересно кој ќе го доби признанието и за најдобар стрелец на Мундијалот.

Моментно на врвот е Лионел Меси кој за Аргентина досега постигна седум голови, на второто место е Килијан Мбапе со шест голови за француската репрезентација. По пет погодоци имаат Хари Кејн (Англија) и Ерлинг Халанд (Норвешка).

Следуваат Винисиус Жуниор (Бразил), Усман Дембеле (Франција), Исмаила Сар (Сенегал) кој го заврши настапот, и Микел Ојарзабал (Шпанија) со по четири голови.

Франција во осминафиналето ќе игра против Парагвај, а најголемо внимание би требало да привлече дуелот во Арлингтон меѓу Португалија и Шпанија.

Доста интересно се очекува да биде и натпреварите Бразил – Норвешка, Мексико – Англија и Аргентина – Египет.

The adidas Golden Boot race continues 🎯#FIFAWorldCup pic.twitter.com/FiPWK2dNXH

— FIFA World Cup (@FIFAWorldCup) July 4, 2026