Поранешниот капитен и легендарен голман на Парагвај, Хозе Луис Чилаверт, предизвика бурни реакции со својата објава на социјалните мрежи во пресрет на осминафиналниот дуел меѓу Парагвај и Франција на Светското првенство.

Повод за неговата реакција беа изјавите кои му се припишуваат на поранешниот француски репрезентативец Кристоф Дигари, кој порача дека Парагвај нема никакви шанси против „триколорите“.

„Парагвај ќе биде прегазен и понижен. Ќе се брани по секоја цена, затоа што не е способен да игра никаков офанзивен фудбал“, гласи изјавата на Дигари, којашто ја сподели Чилаверт.

Поранешниот голман не остана должен и возврати со контроверзен коментар:

„Кристоф, во право си. На Светското првенство во 1998 година игравме против Франција. Сега Парагвај ќе игра против репрезентацијата на Африка.“

@lequipe @ABCDigital @UltimaHoracom Christophe tienes razón,en el mundial del 98 enfrentamos a los Franceses y ahora Py enfrentará a una Selección de África. pic.twitter.com/X0DwYEW81p

— José Luis FelixChilavert Gonzalez (@JoseLChilavert_) July 3, 2026

Чилаверт со ова алудираше на големиот број француски репрезентативци со африканско потекло, а неговата објава веднаш предизвика бројни реакции на социјалните мрежи.

Интересно, Франција и Парагвај последен пат се сретнаа во нокаут-фазата на Светско првенство токму во 1998 година. Французите тогаш славеа со 1:0 по продолженија, благодарение на „златниот гол“ на Лоран Блан, а Чилаверт беше на голот на Парагвај во тој незаборавен натпревар.

Маркус Тирам нема да игра ни против Парагвај