Украинскиот претседател Володимир Зеленски им го честиташе Денот на независноста на американскиот претседател Доналд Трамп и на граѓаните на САД, по телефонски разговор што го оцени како „многу добар“.

Во објава на социјалната мрежа „Икс“, Зеленски изрази благодарност до САД „за досегашната помош за Украина — од системите ‘џавелин’ и ‘патриот’ до политичката поддршка“.

„Длабоко цениме што Америка стои покрај нас во одбраната на нашата независност“, напиша Зеленски, додавајќи дека му е благодарен на секој Американец кој се грижи за иднината на Украина, Европа и на сите во светот за кои слободата е важна.

ВИДЕО | Украина ја нападна Русија со стотици дронови — облаци чад се издигаат од нафтен објект во Санкт Петербург

Зеленски соопшти дека со Трамп разговарале и за актуелната состојба на фронтот, како и за дипломатските напори за завршување на војната.

„Постои реална можност да се стави крај на оваа војна, а решителноста на Америка е од клучно значење“, наведе украинскиот претседател.

Тој додаде дека со Трамп наводно се договориле разговорите да продолжат за време на самитот на НАТО во Анкара.

„Ви благодарам, Соединети Американски Држави! Ви благодарам, господине претседателе! Среќен 4 Јули! На Американците им посакувам продолжен просперитет и успех“, порача Зеленски.

I have congratulated President Trump @POTUS and all Americans on the Independence Day. We’ve had a very good phone call.

We are grateful to the United States for all the assistance we have received – from Javelins and Patriots to political support – and we deeply value that… pic.twitter.com/FKAPdpvnSN

— Volodymyr Zelenskyy / Володимир Зеленський (@ZelenskyyUa) July 4, 2026