Кралицата на поп музиката Шер, и кралицата на рокенролот, Тина Тарнер во далечната 1975 година имале свој заеднички настап кој стана вирален на социјалните мрежи, а никој не може да поверува дека овие две музички диви речиси и не се променети од тогаш до сега. Со оглед на времето кое е поминато, Шер тогаш имала 28 години, а Тина 35 години.

Она што ги фасцинираше сите е нивниот младолик изглед кој и ден денес е фасцинантен, но и енергичноста која ја демонстрираа на сцената, која и денес воопшто не им недостасува, иако имааат 75, односно 82 години.

Погледнете го виралното видео кое ги воодушеви фановите:

cher performing with tina turner (1975) pic.twitter.com/Gd0K0r0y1o

— cher doing things (@cherdoingthings) February 13, 2022

Видеото доби преку 60 илјади лајкови и безброј коментари, а она што многумина ги воодушеви, беше стилизираните фустани со реси. И двете изгледаат како божици, што беше и констатација на многумина во коментарите:

„Кажете ми каде да ги најдам овие фустани? „ Одлична е облеката, но може ли да посветиме внимание на целосниов настап? „ Погледнете ја само таа енергија“

Дизајнер на овие прекрасни фустани бил Боб Маки, кој своевремено работел за Витни Хјустон, Марлен Дитрих, Лајза Минели и многу други.

Сите коментираа дека двете музички ѕвезди минимално се промениле во однос на седумдесетите, иако се поминати многу години од тогаш – очигледно е дека времето не им може ништо!