Изворот на нервозата која што е присутна во ДУИ е „неволната“ коалиција со СДСМ. Кога тие би биле прашани со кого би биле во коалцина тие сигурно би одбрале со ВМРО-ДПМНЕ, бидејќи ептен се уиграа со бизнисот. Иако тврдат дека коалицијата беспрекорно им функционира, очигледно е дека таа структура која претходно соработуваше блиску со режимот на Груевски, се чувствува изолирана од влијанието во партијата, изјави во Утрински брифинг, новинарот Насер Селмани.

Али Ахмети знаејќи го овој факт направи еден невешт полички маневар со поставување на Артан Груби како вицепремиер и мислам дека ова беше ставање на прст во око на овој дел од раковосдството на ДУИ, затоа што ако тие нешто не би голтнале е Груби да им биде лидер на партијата. Освен Артан Груби се форсира и Бујар Османи, а они како политички фигури немаат некакво етаблирано гласачко тело, вели Селмани.

ДУИ нема сила за фракција од внатре. Но јас не верувам дека тој јаз е толку длабок што не може да се надмине. ДУИ е друштво со неограничена неодговорност и сум убеден дека поделбите не се по идеолошка или политичка линија, туку единствено по пристапот на ресурсите и бизнисот, смета Селмани.

Али Ахмети мора да оди во политичка пензија. Ако знае Ахмети да ги чита пораките треба да ги спакува куферите и да си оди. Главанта поддршка беше од Косово, а со Албин Курти мислам дека таа поддршка ќе ја нема, додава Селмани.

Целиот разговор погледнете го во видеото: