ВИДЕО| Сè уште се слушаат силни детонации во Чачак
Раководителот на Секторот за вонредни ситуации, Лука Чаушиќ, изјави дека сега ситуацијата во Чачак е многу помирна.
Серија од силни моќни експлозии од правец на фабриката „Слобода“ го потресоа Чачак околу 1.30 часот и тие продолжија до раните утрински часови.
Раководителот на Секторот за вонредни ситуации, Лука Чаушиќ, изјави дека сега ситуацијата во Чачак е многу помирна.
– Поради согорувањето на сите овие супстанции во фабриката и црниот воздух што навива над Чачак, ќе се направи анализа на воздухот во наредниот период – рече Чаушиќ.
Премиерот на Србија, Ана Брнабиќ, изјави денеска дека најважно е никој да не биде повреден во експлозијата во фабриката на наменската индустрија „Слобода“ во Чачак и дека сè што е уништено ќе се санира.
Граѓаните во близина на фабриката беа евакуирани, а некои ја поминаа ноќта во подрумот.
Жителите на Чачач велат дека на автомобилите може да се забележат траги од експлозијата, а прозорците на некои куќи биле скршени.
По тричасовна блокада на сообраќајот во околината на фабриката на наменската индустрија „Слобода“ во која синоќа се случија низа детонации, сообраќајот беше нормализиран, а само патот што водеше кон фабриката беше затворен.