ВИДЕО | Се ожени ракометарот Дејан Манасков: Тамара Тодевска прва објави снимки од венчавката на кумот
Ракометарот Дејан Манасков (33) вчера стапи во брак со својата сакана Билјана.
Препорачано
Пејчаката Тамара Тодевска прва објави неколку кратки видеа на своите инстаграм-приказни, па можевме да видиме дел од прекрасната церемонија.
Убавата невеста била облечена во бела елегантна венчаница од македонскиот моден дизајнер Игор Марков, а врз неа носела лелеава наметка со пердуви, додека потоа се пресоблекла во шик сантенска тоалета. Билјана изгледала многу гламурозно, а младоженецот – елегантно.
Инаку, Дејан ѝ е кум на Тамара, која на свадбената прослава била со децата Хана и Дарен.
Среќната двојка е во врска веќе извесен период. Билјана Стојановска е вработена во маркетинг сектор во Канал 5 телевизија.
Дејан Манасков настапува за Македонската ракометна репрезентација и РК Еурофарм Пелистер, а син е на македонската ракометна легенда Пепи Манасков.
