ВИДЕО: Ристовски со убав погодок го врати Динамо Загреб на победничките патеки во Хрватска
После гостинското реми против Славен Белупо, денеска во 21 коло од најсилното хрватско првенство составот на Динамо Загреб дома со 1:0 ја совлада Истра 1961.
Стрелец на единствениот гол беше македонскиот репрезентативец Стефан Ристовски кој убаво стрелаше во мрежата на Мајкиќ по асистенцијата на Батурина.
За нашиот дефанзивец ова беше втор гол сезонава во шампионатот, првиот го имаше минатиот месец во победата над Локомотива Загреб (2:1).
Капитенот на „модрите“, Аријан Адеми, како и Ристовски, го одигра целиот натпревар на стадионот „Максимир“.
Триумфот можеше да биде и поголем доколку Дрмиќ реализираше од белата точка во 29 минута. Во второто полувреме два погодоци на домаќините преку Шпикиќ и Петковиќ беа поништени поради офсајд.
Тоа беше 15 победа за „модрите“ и прва позиција на табелата со 49 бодови, 11 повеќе од второпласираниот Хајдук Сплит.
Dinamo 1-0 Istra 1961 (37')
Perfect cross from Baturina to Ristovski! pic.twitter.com/RywkveOSBH
— Everything About HNL (@AboutHnl) February 10, 2023