Легендарната пејачка Селин Дион, позната по хитовите како „My Heart Will Go On“ и „All by Myself“, со години се бори со здравствени проблеми, поточно со синдром на вкочанета личност, кој ѝ беше дијагностициран во 2022 година. Оттогаш, пејачката направи пауза од својата кариера и често ја подигнува свеста за својата состојба.

Таа ја опиша својата борба во „Јас сум: Селин Дион“, кој беше објавен во 2024 година. Документарецот, исто така, вклучуваше снимки од нејзините напади.

Сега, една таква сцена беше повторно споделена на социјалните мрежи, и на неа се гледа како Дион лежи во солзи, нејзиното тело се тресе неконтролирано, а лицето ѝ се грчи. Додека музичарката офка, лекарите ѝ пружаат помош и утеха.

И покрај суровата болест, Дион успеа да настапи на церемонијата на отворањето на Олимписките игри во Париз, каде што ја отпеа класиката на Едит Пјаф „L’Hymne à l’Amour“ и се појави неколку пати на јавни настани.

Видеото што се шири на Икс овие денови ги потсети нејзините обожаватели на нејзината храброст во најтешките моменти.

„Оваа сцена е апсолутно срцепарателна, но ја покажува нејзината неверојатна сила и ранливост. Споделувајќи ги овие сурови, болни моменти, таа им дава глас на сите оние кои се борат со ретки состојби. Таа отсекогаш била легенда поради својот глас, а сега е херој поради својата храброст. Ѝ испраќаме многу љубов и лековита енергија“, напиша еден обожавател, додека друг додаде:

„Силата на Селин во споделувањето на нејзиното патување е и инспиративна и срцепарателна. Нејзината отпорност сјае, потсетувајќи нè на моќта на ранливоста во лицето на неволјите.“

Celine Dion’s Heartbreaking Battle with Stiff-Person Syndrome

In a poignant moment from her documentary, Celine Dion is seen lying down, in tears, with noticeable facial and lip twitches as her body experiences uncontrollable spasms.

The legendary singer has been diagnosed… pic.twitter.com/Q9CrYD8unM

— NEXTA (@nexta_tv) February 4, 2026