ВИДЕО: Прво место за Трајковски во скок во далечина на меѓународниот атлетиски митинг во Архус
Прво место за Андреас Трајковски во скок во далечина на меѓународниот атлетски митинг во Архус, Данска, информира АК Работнички.
Со резултат од 7,52 метри Трајковски беше првопласиран на митингот во Архус кој е дел од серијата бронзени митинзи под капата на Светска Атлетика.
Овoj резултат е за 13 сантиметри послаб од македонскиот рекорд во сала, кој нашиот натпреварувач го постави минатата година на Балканијадата во Истанбул (Турција), каде освои бронзен медал за Македонија.
Ова беше прв негов натпревар оваа сезона во скок во далечина во сала. Веќе во сабота (28 јануари) Андреас ќе настапи на атлетски митинг во Манчестер, Велика Британија.
Во изминатиот период настапи и на трка на 60 метри на атлетискиот митинг во данскиот Рандерс каде исто така го освои првото место во финалето со 6,94 секунди, што е само пет стотинки послаб резултат од неговиот личен рекорд поставен во 2020 година. Претходно во квалификациите забележа резултат од 6,98 секунди.