Спанаќот можете да го подготвите на безброј начини, како свеж во салата, како прилог, за полнење канелони… Овој практичен и евтин зеленчук е омилен на сите генерации, а не постои домаќинка која барем еднаш не го подготвила. Овде нема наука, на секого му успева, но ако сакате да го подобрите неговиот вкус, тогаш додадете 3 тајни состојки кои ги препорачуваат професионалните готвачи. Спанаќот ќе биде покремаст и поароматичен, ако го измешате во сос од павлака за готвење кој сте го збогатиле со рендана кора од лимон, морско оревче и пармезан.

Состојки:

– 1 килограм спанаќ
– 2 лажички маслиново масло

За сосот:

– 1 лажица путер
– 2 лажици рендан кромид
– малку лута мелена пиперка
– прстофат морско оревче
– 1 лажичка рендана кора од лимон
– 3/4 шолја павлака за готвење
– 2 лажици пармезан

Подготовка:

Ставете ги маслиновото масло и спанаќот во длабоко тенџере, па динстајте минута или две, па потоа измешајте. Кога ќе се свари спанаќот, процедете го и ставете го на крпа добро да се исцеди. Растопете го путерот, па пропржете го ренданиот кромид. Посолете, бибер, посипете со мелена пиперка, морско оревче и изрендана кора од лимон. Сипете ја павлката за готвење, промешајте и кога ќе зоврие додадете го сечканиот спанаќ. Добро измешајте и посипете со пармезанот. Оставете на ринглата уште 2 минути, па послужете.