ВИДЕО: Пред точно 32 години Панчев и Најдоски станаа светски шампиони со Црвена звезда
Фудбалерите на Црвена звезда на денешен ден пред точно 32 години, на 8 декември 1991 во Токио, Јапонија, го совладаа чилеанскиот клуб Коло Коло и станаа светски шампиони.
Црвена звезда во редови настапуваа македонските фудбалери Дарко Панчев и Илија Најдоски како првак на Европа се бореше за тогашниот трофеј на Интерконтиненталниот куп против шампионот на Јужна Америка и освојувач на „Копа Либертадорес“.
Двоен стрелец во победата беше Владимир Југовиќ кој првиот гол го реализираше во 21 минута по асистенцијата на Дејан Савичевиќ.
Иако од 43 минута белградските „црвено-бели“ беа со играч помалку, поради црвениот картон на Савичевиќ, во 58 минута успеаја преку Југовиќ да ја зголемат предноста на 2:0.
Конечниот епилог го постави Панчев во 71 минута откако му асистираше Синиша Михајловиќ.
Црвена звезда играше во следниот состав: Милојевиќ, Радиновиќ, Белодедиќ, Најдоски, Василијевиќ, Ратковиќ, Михајловиќ, Стошиќ, Савичевиќ, Панчев.