Јутјуберот Норм Накамура на своите профили на социјалните мрежи сподели како изгледа еден мал стан во Токио, кој всушност е само застаклена тераса.

На самиот почеток на едно од видеата тој рече дека ова е еден од „најлудите“ станови што ги видел во Токио, кој  скапо се издава со оглед на тоа што добивате за парите.

Се чини дека околниот простор околу тесните и прилично клаустрофобни скалила е всушност застаклен и тој простор на балконот се издава за 1.000 долари месечно по кат.

Накамура покажа дека станот (ако може така да се нарече) има ВЦ школка, на еден од ѕидовите е поставен мијалник и електричен панел, а одоздола има клима. Има и машина за перење, а на подот се наоѓаат штекери.

Надворешните ѕидови на станот се изработени од стакло, а можно е и спуштање на ролетните за да се добие приватност во делот што го претставува тоалетот, каде што се наоѓа и кадата.

Исто така, во станот нема друг мебел и самиот Норм се чудел како некој може да спие таму. Тој измери и дека од ѕид до ѕид има само 90 сантиметри.