ВИДЕО | Почина господин Тригер од серијата „Friends“
Актерот Мајк Хејгерти, најпознат по улогата на господин Тригер во телевизиската серија „Friends“, почина на 68-годишна возраст. Причината за смртта на актерот сѐ уште не е позната.
Препорачано
Веста ја потврди неговата колешка Бриџит Еверет од серијата „Somebody Somewhere“.
„Со голема тага семејството на Мајкл Г. Хагерти ја потврди веста за неговата смрт во Лос Анџелес. Неговата љубов кон родниот град Чикаго и неговото семејство беше камен-темелник на неговиот живот. Зад Мајк, лојален сопруг, остана неговата сопруга Мери Кетрин, сестрата Мери Ен Хагерти и нејзината сопруга Кетлин О’Рурк и нивната ќерка Мег. Тој ќе им недостига на сите“, напиша Еверет.
View this post on Instagram
„Го засакав Мајк од првиот момент кога го запознав. Тој беше толку посебен. Топол, смешен. Ние сме скршени поради неговата смрт. Мајк беше обожаван од целата актерска екипа и сите оние кои работеа на ‘Somebody, Somewhere’. Нашите мисли се со неговата сопруга и со неговото семејство“, стои во втората објава на неговата колешка, актерката Бриџит Еверет.
View this post on Instagram
Хагерти беше најпознат по својата улога во хумористичната серија „Friends“, во која го глумеше господин Тригер, домарот во станбената зграда во која живееа ликовите Моника Гелер и Рејчел Грин.
ФОТО+ВИДЕО | Кои беа најдобрите моменти од „Friends Reunion“?
