Стана традиција полицијата во Перу за време на празнични периоди како Божиќ или Ноќта на вештерките да ги маскира своите полицајци кои учестуваат во апсења.

Оваа година еден од полицајците вклучени во рација за апсење на дилери на дрога во главниот град на Перу, Лима, беше облечен како Гринч.

На објавеното видео се гледа како полицаецот Гринч со чекан ја крши вратата од куќата во која престојувале наркодилерите.

Тогаш маскираниот полицаец, чиј идентитет останува непознат, до патролно возило придружувал две од уапсените жени.

Според полицијата, Гринч „останал незабележан“, а неговите униформирани колеги уапсиле тројца дилери на дрога во акцијата.