Огромна анаконда долга околу пет метри била пронајдена во неделата наутро (12 октомври) во центарот за капење Рио Квенте, на југот од бразилската сојузна држава Гојас. Влекачот се протнал под бетонската конструкција што води до центарот за капење и тоа на многу непристапно место.

Во отстранувањето на анакондата биле вклучени тројца пожарникари, а на видеата може да се види голема група луѓе кои следел што се случува.

Бидејќи местото каде што се криела анакондата било тешко достапно, пожарникарите морале да го скршат бетонот и да го прошират отворот за да стигнат до животното.

По отстранувањето, анакондата била фатена со кука и стап. Според пожарникарите, спасувањето било завршено без никакви повреди на животното.

Потоа змијата била транспортирана со возило на противпожарната служба и вратена во дивината, во област со автохтона вегетација во близина на водната средина.

Нема извештаи за повредени. Медиумите го контактирале аквапаркот каде што се наоѓала анакондата, но не добиле одговор.