Влатко Лозаноски – Лозано со емотивно видео на Инстаграм ги разнежи своите фанови и се потсети на спомените од детството. Без сцена и гламур, само мало момче со големи соништа, кое уште од најраните години верувало дека ништо не е невозможно.

„Од првите детски соништа, до денес. Од првите ноти, до илјадниците километри љубов. Километри изодени со музика. Со сцени. Со емоции. Со вас. Километри што не се мерат во растојание, туку во спомени, доверба и заеднички рефрени. 7 март. Да ги прославиме километри љубов. Сите поминати. И сите што допрва ќе ги поминеме заедно.“, напиша тој во описот, во кој меѓу другото го најви својот концерт на 7 март.

Со оваа објава, Влатко покажа дека љубовта кон музиката не му се случила преку ноќ. Уште како дете бил со микрофон во рака, на приредби, на семејни собири, пред публика, мала, но важна за неговата иднина. Токму тие први моменти, како што може да се види од видеото, му ја одредиле насоката во животот.

Објавата предизвика бројни реакции, а фановите коментираат дека токму ваквите моменти покажуваат кој навистина стои зад сцената, детето што никогаш не престанало да верува во својот сон.