ВИДЕО | Објавен е првиот тизер за втората сезона на „Squid Game“ и детали од претстојната сезона
Официјално: „Squid Game“ ќе се врати со втора сезона. „Нетфликс“ ја потврди веста во неделата и притоа понуди детали за тоа што ќе следи во хит корејската дистописка драма.
„Squid Game“ стана најгледаната серија на стриминг платформата кога беше објавена во септември. Таа ја раскажува приказната за натпреварувачи без пари, кои играат игри од детството за шансата да освојат огромна сума пари кои ќе им го променат животот.
Во неделата, писателот и режисер Хванг Донг-Хјук сподели неколку детали за втората сезона на серијата.
Red light… GREENLIGHT!
Squid Game is officially coming back for Season 2! pic.twitter.com/4usO2Zld39
— Netflix (@netflix) June 12, 2022
Ликовите Сеонг Ги-хан и човекот со црна маска познат како Front Man ќе се вратат, рече тој, и „човекот во костум што регрутира“, повикувајќи се на мистериозниот лик кој го игра актерот Гонг Јо.
„Ќе се запознаете и со момчето на Јанг Хи, Чеол-су“, додаде тој. Јанг Хи е аниматронска кукла со чувствителност на движење, која се појави во една од игрите „Red Light, Green Light“ и брзо стана симбол за шоуто.
Hwang Dong-Hyuk writer, director, producer, and creator of @squidgame has a message for the fans: pic.twitter.com/DxF0AS5tMM
— Netflix (@netflix) June 12, 2022
Нетфликс не соопшти кога ќе биде објавена новата сезона, но Хванг претходно процени дека би можела да пристигне во 2023 или 2024 година.
