Трејлерот за новата верзија за филмот „Кум 3“ ветува подобар крај од оригиналното остварување од 1990 година.

За жал, додека првите два дела од „Кум“ од 1972-ра и 1974-та година важат за ремек дела и можеби најдобрите филмови на сите времиња, третиот не остави таков впечаток.

– За оваа верзија направив нов почеток и крај и препакував неколку сцени, кадри и музика. Со овие промени и реставрирањето на сликата и звукот, тоа, според мене, е соодветниот заклучок на првиот и вториот дел од „Кум“, наведе режисерот.

Филмот, како што се наведува, е реставриран во високата 4К резолуција.

Премиерата ќе биде одржана во одредени кина на 4-ти декември оваа година, а потоа ќе биде достапна на „Blu-ray“ и дигиталното издание од 8-ми декември.

Во трејлерот гледаме дека филмот добил и нов назив „The Godfather Coda: The Death of Michael Corleone“, со назнака дека во „остварувањето е вткаен нов живот“, но не ги открива тајните на новиот почеток и крај.