Овој протест е во форма на политичко предупредување. Од страна на Република Бугарија имаме една доста предвидлива и транспарентна позиција, Бугарија останува на декларацијата усвоена во бугарскиот парламент. На сите ни е јасно кои се преговарачките позиции на Софија. Од страна на Република Македонија имаме флоскули имаме многу кажани зборови многу работи ветени, но никако цврсто воспоставени национални ставови и црвени линии за што ние не сме подготвени да преговараме.

Сите велиме дека тоа се идентитетот, историјата, јазикот но често пати од оваа актуелна иста влада на СДСМ и ДУИ сме виделе ветувања дека не се преговара за одредени прашања но потоа токму за тие се преговара. Веројатно најлогичниот след во минатото ќе беше и Македонското Собрание како што бараше ВМРО – ДПМНЕ да усвои декларација, да утврди национални позиции врз основа на таа доверба што ние ја имаме инхерентно како претставници на граѓаните и на сите ќе ни беше јасно кои се преговарачките позиции на Република Македонија. Во недостаток на волја за воспоставување на национален консензус по ова прашање и загрижени од како што спомена и претседателот Христијан Мицкоски одредени информации кои што пристигнуваат ние одлучивме да одржиме неколку предупредувачки протести кои што да ги блокираат два часа раскрсниците но има нешто што е најважни а тоа е заштитата на националниот интерес, изјави за УБ пратеникот од ВМРО – ДПМНЕ, Тимчо Муцунски.

Целиот разговор погледнете го во видеото: