Албанскиот премиер Еди Рама повторно привлече внимание со иронични и провокативни коментари на сметка на Грција и Црна Гора, овој пат за време на панел-дискусија одржана во Обединети Арапски Емирати.

Во обраќањето, Рама упати остри зборови кон Грција, велејќи:

„Како Грк, секогаш ги потценувате другите луѓе затоа што верувате дека имате монопол врз филозофијата и дека сте директни наследници на Платон и Аристотел, но не сте“.

Говорејќи за Црна Гора, албанскиот премиер со доза иронија додаде:

„Црна Гора е најголемата и најмоќната земја во регионот. Има 50 милиони жители. Мали сме, но Црна Гора е таа“, изјава која се појави во видео објавено на платформата X.

Ова не е првпат Рама преку хумор и сарказам да упатува сериозни критики кон соседите. Кон крајот на октомври, за време на панел во рамките на Берлински процес во Лондон, тој влезе во вербална расправија со црногорскиот премиер Милојко Спајиќ.

Додека Спајиќ зборуваше, Рама неколкупати го прекинуваше, коментирајќи дека името на Црна Гора се состои од два збора – „црна“ и „планинска“.

Кога црногорскиот премиер посочи дека државата има долга историја и дека независноста ја обновила во 2006 година, Рама повторно реагираше, тврдејќи дека Црна Гора е „постара од Грција и од Србија“.

Дел од јавноста ваквите настапи ги оцени како шега, други ги протолкуваа како отворен потсмев кон Црна Гора, додека видеото на платформата Икс беше опишано како пример за „тензии меѓу двајцата премиери“ за време на заедничкиот панел.

Albanski premijer Edi Rama se troluje na račun Grka i Crnogoraca tokom panel diskusije u UAE:

„Kao Grk uvek potcenjuješ ljude jer imaš monopol na filozofiju i da si direktan naslednik Platona i Aristotela.“

„Crna Gora je najveća zemlja u regionu. Dali su 50 miliona građana.“ pic.twitter.com/j8Uv2odlSd

— Dunav Media (@DunavMedia1) January 15, 2026