ВИДЕО | Маж со голи раце фатил ајкула и ја вратил во водата: Синовите преплашени снимиле сè!
Храбар татко од Австралија стана вистински херој откако беше снимен како со голи раце се бори со огромна бронзена ајкула и ја враќа во океанот, откако неговите синови по грешка ја уловиле.
Препорачано
-
1
-
2
-
3
Тристан Тарнер раскажал дека неговите два сина ја уловиле оваа импозантна ајкула додека ловеле на пристаништето на реката Американ на островот Кенгур, Јужна Австралија.
За да ја ослободи ајкулата од риболовната линија, Тарнер храбро ја зграпчил нејзината опашка и ја одвел до рампата за чамци, каде што внимателно ја извадил јадицата од нејзината уста, пишува „Дејли мејл“.
– Моравме да ја извадиме јадицата и да ја пуштиме, па јас само ја однесов до рампата за чамци од карпите, ја извадив јадицата и повторно ја пуштив да плива – изјавил Тарнер.
Неговиот следен потег ги изненадил сите присутни. Сè уште држејќи ја ајкулата, Тарнер се нурнал под вода заедно со неа и ја отпратил назад во подлабока вода. Овој храбар чин предизвикал смеење и аплауз кај насобраните луѓе.
– Отсекогаш ми беше сон да пливам со ајкула и добив шанса кога ја пуштив, се фатив за нејзината перка и тргнав на возење – рекол Тарнер, додавајќи дека и тој и ајкулата поминале без повреди.
Неговиот син бил ужаснат кога го видел својот татко како плива со ајкула, но Тарнер објаснил дека бронзаните ајкули се мошне пријателски настроен вид.
– Луѓето кои ме познаваат знаат дека ја сакам водата и дека правам мошне луди работи – рекол Тарнер.
Пред да почне да се занимава со ајкули, со крокодилите на имотот на својот пријател се соочувал дури седум години.
– Татко ми мислеше дека никогаш нема да се вратам оттаму, дефинитивно мислеше дека ќе ме изеде – признал Тарнер.
Бронзените ајкули можат да пораснат до 3,5 метри и тежат до 300 килограми, а живеат и до 32 години. Тие се крајбрежни ајкули кои обично се наоѓаат во водите на континенталниот гребен на Јужна Австралија. Овие ајкули се многу активни предатори и се хранат со разновиден плен, вклучувајќи риби, лигњи и ракови. Тие не се познати по тоа што напаѓаат луѓе без провокација, па затоа повеќето блиски средби со бронзена ајкула се безопасни.
