Матурската вечер во градот Цазин во Босна и Херцеговина минатата недела донесе и непријатен инцидент – за време на прославата дојде до жестока расправија, а потоа и физичка пресметка меѓу две мајки на матурантки, пренесоа босанските портали.

Според присутните, конфликтот се случил поради туркање за најдобра можна позиција покрај црвениот тепих за да се фотографираат матурантите. Очевидците велат дека ситуацијата брзо ескалирала од вербален во физички конфликт. Низ салата одекнувале извици и вресоци, а прамени коса останале расфрлани по подот.

Во инцидентот потоа се вмешале и други родители, а повеќето луѓе во салата, професорите, матурантите и другите присутни останале во шок, додека дел од нив се обидувале да ја смират ситуацијата.

Била повикана и полицијата, која интервенирала за да спречи конфликтот да ескалира уште повеќе и да воспостави ред. На социјалните мрежи се издвои коментарот дека децата славеле матура, збор кој буквално значи зрелост, созревање, а очигледно е дека дел од нивните родители сè уште немаат созреано.

Романец добил 6 милиони евра на лотарија, па открил како стигнал до добивката