Манчестер сити ја забележа и петтата победа оваа сезона во Премиер лигата откако денеска на гостински терен со 0:3 го совлада Вулверхемптон.

Првиот гол на „граѓаните“ беше дело на Грилиш кој стрелаше во првата минута, а предноста ја зголеми Халанд во 16 минута од средбата.

Норвежанецот кој продолжува со одличните игри, стана првиот играч во историјата на Премиер лигата кој постигнал гол на секое од неговите први четири гостувања во ова натпреварување. Халанд зацврсти како водечки во листата на стрелците со 11 голови. Тоа му беше и 100 погодок на 99 мечеви откако во јануари 2020 го напушти Салцбург.

Проблемите за домаќините беа уште поголеми кога во 33 минута поради црвениот картон на Колинс во 33 минута.

И Де Брујне на овој меч имаше блескава партија, освен на првиот, беше асистент и на третиот погодок на Сити, а стрелец во 69 минута беше Фоден.

Белгискиот репрезентативец директно учествувал во 150 премиерлигашки голови (58 голови, 92 асистенции) во само 217 настапи во Премиер лигата. Во сите натпреварувања оваа сезона има осум асистенции.

Составот на Пеп Гвардиола е водечки на табелата со 17 бодови, додека Вулверхемптон после третиот пораз е на 16 позиција со шест бодови.