ВИДЕО: Манчестер јунајтед без Роналдо ја елиминираше Астон Вила од ФА купот
Манчестер јунајтед успеа вечерва да се пласираше во 1/16 финалето на ФА купот откако со 1:0 ја совлада екипата на Астон Вила.
Менаџерот на „црвените ѓаволи“, Ралф Рангник за овој натпревар се одлучи во составот да не го повика Кристијано Роналдо, како и Џејдон Санчо, но нивното отсуство не влијаеше премногу врз играта на неговите играчи.
Единствениот гол беше реализиран уште во осмата минута, Фред центрираше, а МекТоминеј со глава стрелаше во противничката мрежа. Астон Вила можеше да израмни во 30 минута од средбата на стадионот „Олд Трафорд“, но ударот на Воткинс заврши во пречката.
На стартот од второто полувреме составот на Стивен Џерард постигна гол, но истиот после ВАР снимката беше поништен поради офсајд. Воткинс уште еднаш се најде во центарот на вниманието, го совлада Де Геа, но и неговиот гол беше поништен поради офсајд.
Овие две екипи повторно ќе се сретнат за пет дена овојпат во рамките од 22 коло во Премиер лигата на „Вила Парк“.
ФА Куп
4. коло, двојки
Кристал палас – Хартлпул јунајтед
Борнмут – Борехам вуд
Хадерсфилд таун – Барнсли
Питерборо јунајтед – Квинс парк ренџерс
Кембриџ јунајтед – Лутон таун
Саутемптон – Ковентри сити
Челси – Плимут аргајл
Евертон – Брентфорд
Кидерминстер херирс – Вест хем јунајтед
Манчестер јунајтед – Мидлзбро
Тотенхем – Брајтон & Хов албион
Ливерпул – Кардиф сити
Стоук сити – Виган атлетик
Нотингем форест – Лестер сити
Манчестер сити – Фулам
Вулверхемптон – Норич сити