Во градското дерби на Торино, во седмото коло од Серија А Јувентус славеше со минимален резултат (0:1), а стрелец на единствениот гол беше Мануел Локатели.

Локатели беше и еден од стрелците во победата на Јувентус и во минатото коло дома против Сампдорија (3:2).

Победничкиот гол за „Старата дама“ го постигна Мануел Локатели во 86 минута за вкупно трет триумф по ред во најсилниот италијански шампионат.

Јуве е моментно осмопласиран во генералниот пласман со 11 бодови, додека „биковите“ се на 11 позиција со осум бодови.

Во следното коло играчите предводени од тренерот Масимилијано Алегри ќе бидат домаќини на Рома, а Торино ќе му гостува на Наполи на македонскиот репрезентативец Елиф Елмас.

Џенова загуби кај Салернитана со 1:0 (Ѓуриќ 66`), нашиот Горан Пандев за клубот од „Луиџи Ферарис“ настапи од 73 минута како замена за Абдулај Туре.