ВИДЕО: Лејкерси славеа во Бруклин, Мичел како легендарниот Карл Мелоун!
Доцна синоќа во НБА лигата „езерџиите“ успеаја да забележат нова победа сезонава откако со 126:101 беа подобри од Нетси.
Во екипата на Лос Анџелес Лејкерс дури осум играчи имаа двоцифрен број на поени, најефикасен беше Драмонд со 20 поени (11 скокови).
На спротивната страна за Бруклин, Дурент реализираше 22 поени (седум скокови, пет асистенции) во својот втор меч после пауза од 23 натпревари поради повреда.
Donovan Mitchell is the first Jazz player with 3 straight 35-point games since Karl Malone in 1993.
He is the 4th Jazz player overall to do this, joining Malone, Adrian Dantley and Pete Maravich. pic.twitter.com/a3JpFnIkwC
— ESPN Stats & Info (@ESPNStatsInfo) April 11, 2021
На табелата Лејкерси се на петтата позиција (33-20), додека Нетси се второпласирани на Истокот (36-17), зад Филаделфија.
Јута продолжи со добрите резултати, моментно најдобриот тим на Западот славеше и над Сакраменто со 128:112. За „џезерите“ повторно доминираше Мичел со 42 поени и тој е првиот кошаркар, после Карл Мелоун во 1993 година, кој во три натпревари имал повеќе од 35 поени. Севкупно четвртиот играч со вакво достигнување после Мелоун, Едриен Дентли и Пит Маравич.
НБА лига, резултати –
Кливленд Кавалирс – Торонто Репторс 115:135
Бруклин Нетс – Лос Анџелес Лејкерс 101:126
Оклахома Сити Тандер – Филаделфија Сиксерс 93:117
Јута Џез – Сакраменто Кингс 128:112
Голден Стејт Вориорс – Хјустон Рокетс 125:109
Феникс Санс – Вашингтон Визардс 134:106
Портланд Трејл Блејзерс – Детроит Пистонс 118:103
