Денеска во првиот натпревар од полуфиналето во Конференциската лига одигран во полскиот град Краков, фудбалерите на Кристал палас со 3:1 како гости славеа со 3:1 против украинскиот Шахтјор.

Веќе во првата минута англискиот претставник поведе со голот на Сар, а на стартот од вториот дел во 47 минута за израмнување се погрижи Очеретко.

Во 58 минута Камада ја врати предноста на Кристал палас, а конечниот епилог го постави Ларсен во 84 минута.

Триумф забележа шпанскиот Рајо Ваљекано кој пред своите навивачи со 1:0 го совлада францускиот Стразбур со голот на Алемао во 54 минута по асистенцијата на Палазон.

Реванш средбите од полуфиналето во КЛ ќе се играат на 7 мај.