ВИДЕО: Крис Пол за историја во НБА во триумфот на Феникс над Бруклин
Феникс санс ја оствари 16 победа по ред во НБА лигата откако со 113:107 го победи најдобриот тим во Источната конференција, Бруклин нетс, во натпревар кој го одбележа неверојатното достигнување на Крис Пол.
✔️ 20k points
✔️ 10k assists
✔️ 5k reboundsAlready the first player in @NBA history with 20,000 points & 10,000 assists, @CP3 notches his 5,000th career rebound 👏 pic.twitter.com/ClZwG3FGcj
— Phoenix Suns (@Suns) November 28, 2021
Одличниот плејмејкер натпреварот го заврши со 22 поени, осум скокови и пет асистенции и стана првиот кошаркар во историјата на НБА лигата со повеќе од 20.000 поени, 10.000 асистенции и 5.000 скокови.
Покрај Пол, добра партија прикажа и Девин Букер кој постигна 30 поени, додека во редовите на Бруклин, најрасположен за игра беше Кевин Дурент со 39 поени.
Минесота тимбервулфс по две продолженија ја совлада Филаделфија сиксерс со 121:120. Натпреварот го реши Принс со поените постигнати на 4.8 секунди до крајот на второто продолжение, по украдената топка на Дианџело Расел. Токму Расел беше најдобар кај Минесота со 35 поени и осум асистенции, додека Карл-Ентони Таунс постигна 28 поени. Кај Филаделфија се истакна Џоел Ембид кој ги пропушти претходните девет натпревари, постигнувајќи 42 поени и имаше 14 скокови.
Вашингтон визардс ја забележа втората победа по ред откако со 120:114 го совлада Далас маверикс на кого не му помогна ниту одличната игра на Лука Дончиќ.
Во финишот од натпреварот, Вашингтон со поените на Кузма и Гафорд поведе со 114:109, додека Далас дојде до израмнување благодарение на Хардавеј и Дончиќ. Потоа на сцена стапи Кентавиус Колдвел Поуп кој постигна четири поени по ред за водство на Вашингтон од 118:114 со што беа решени дилемите околу победникот.
Бредли Бил беше најдобар кај победничкиот тим со 26 поени, Кајл Кузма даде 22, додека кај Далас се истакна Дончиќ со 33 поени и 10 асистенции.
Резултати:
Филаделфија – Минесота 120:121 (прод)
Атланта – Њујорк 90:99
Бруклин – Феникс 107:113
Чикаго – Мајами 104:107
Кливленд – Орландо 105:92
Хјустон – Шарлот 146:143
Далас – Вашингтон 114:120
Јута – Њу Орлеанс 127:105