Глобалните коререјки поп (К-поп) ѕвезди „BTS“ беа во Белата куќа во вторникот за да разговараат со претседателот Џо Бајден за злосторствата од омраза и дискриминација против Азијците.

Со нивните танцови видеа и заразни песни, „BTS“ е еден од најпопуларните поп-бендови во светот. На прес-брифингот во Белата куќа, тие зборуваа за важноста на вклучувањето и застапеноста на Азиското население.

Преку преведувач, Џимин од „BTS“ им рече на новинарите: „Бевме длабоко растревожени од неодамнешниот наплив на злосторства од омраза, вклучително и злосторства од омраза кон азиските Американци. За да ставиме крај на ова и да ја поддржиме каузата, би сакале да ја искористиме оваа прилика да се изразиме уште еднаш“.

„Не е погрешно да се биде различен. Еднаквоста започнува кога ќе се отвориме и ќе ги прифатиме сите наши разлики“, додаде Суга.

Минатата година претседателот Бајден го потпиша Законот за злосторства од омраза Ковид-19 за да им даде ресурси на органите за спроведување на законот да ги истражат злосторствата против азиските Американци и домородните жители на Хавајски и Пацифички острови.