ВИДЕО: Кометал шампионе, 20 години од освојувањето на европската титула

Кометал ЃП во големото финале во ЛШ го совлада унгарскиот Херц/Фото: /EPA PHOTO EPA/GEORGI LICOVSKI/EPA PHOTO EPA/ROBERT ATANASOVSKI

Пред точно 20 години една наша ракометна екипа успеа да го освои трофејот најсилното европско клупско натпреварување!

Во натпреварувачката сезона 2001/2002 во рамките од женската ракометна Лига на шампионите, составот на Кометал Ѓорче Петров успеа да ја освои титулата.

Откако на првиот натпревар во Унгарија загуби со 27:25, на реваншот (19 мај 2002 година) во полната сала СРЦ „Кале“ – Скопје, македонскиот шампион ја анулираше негативата и триуфираше со 26:22 против Херц од Унгарија.

Тоа беше прв трофеј на една наша ракометна екипа во најсилното европско клупско натпреварување, на возвратната пресметка предводени од Индира Кастратовиќ која реализираше 10 голови!

Составот на Кометал ЃП во сезоната 2001/2002 изгледаше вака: Кастратовиќ, Малахова, Бујанова, Будимир, Кисељова, Платон, Велкова, Андрушченко, Чупиќ, Дину, Калиниченко, Нацева Бошева, Плошчинска, Златановска. Тренер на екипата беше Русинот Александр Панов.

Видео на денот