На реванш натпреварот од плеј-офот на теренот во Белград ремизираа екипите на Црвена звезда и Макаби Хаифа со резултат 2:2.

Израелците благодарение на победата од 1:0 во првиот меч обезбедија пласман во групите на Лигата на шампионите, а српскиот првак ќе продолжи во групната фаза на Лига Европа.

Црвена звезда водеше од 27 минута со голот на Пешиќ, а истиот играч асистираше до Иваниќ во 42 минута за зголемување на позитивата (2:0).

Пред крајот на првото полувреме гостите успеаја да намалат преку Сундгрен, а непосредно пред тој погодок пенал за Макаби Хаифа не реализираше Хазиза.

Во самиот финиш трагичар кај домаќините беше Павков кој не реагираше најдобро и си постигна автогол за голема тага кај навивачите на стадионот „Рајко Митиќ“.

Пласман во групите на ЛШ обезбеди и португалската Бенфика која со две победи со вкупни 5:0 (3:0, 0:2) го елиминираше Динамо Киев, како и чешкиот Плзен кој со 2:1 триумфираше над Карабах. Во Азербејџан мечот заврши без голови.