ВИДЕО: Каква среќа за „кралевите“, лоша реакција на голманот Боно!
Реал Мадрид после три натпревари во низа без победа во најквалитетната шпанска лига повторно слави три бода и тоа доста среќно на гостувањето во Севиља (0:1).
Домашниот голман Боно во 55 минута не реагираше најдобро и наместо рутинска интервенција во шеснаесетникот, топката се одби од неговите раце за радост на „кралевите“.
Играчите на тренерот Зинедин Зидан на табелата се моментно на третото место со 20 бодови, додека Севиља е петтопласирана (16).
Во наредното коло Реал на 12 декември има градско дерби против Атлетико Мадрид, а тимот на Лопетеги истиот ден му гостува на Хетафе.
Денеска во првиот меч од саботната програма Леванте без македонскиот репрезентативец Енис Барди кој и натаму е надвор од составот поради повреда, успеа по дури два месеци да им се врати на победите во шампионатот, откако на домашен терен (3:0) го совлада Хетафе.