Кошаркарите на Денвер нагетс синоќа со победа на гостински терен во Јута докажаа дека моментно се тимот со најдобра форма во НБА лигата. За прв пат од почетокот на годината и по втор пат во тековната сезона, тие победија на седум натпревари по ред.

Најефикасен во победничките редови беше Канаѓанецот Џамал Мари со 37 поени, запиша и пет скокови и асистенции. Никола Јокиќ придонесе со трипл-дабл учинок од 15 поени, 17 скокови, 12 асистенции. Српскиот центар официјално трипати дојде до трипл-дабл просек оваа сезона. Сега во неговата речиси неверојатна статистика е напишано дека тој бележи 27,7 поени, 13 скока и 10,8 асистенции по натпревар.

Денвер има само уште пет натпревари до почетокот на плејофот, па теоретски, дури и да не постигне ниту еден поен, скок или асистенција, Јокиќ не може да падне под импресивниот учинок изразен со три двоцифрени бројки.

Србинот со тоа му се придружи на Расел Вестбрук и стана само вториот играч во историјата на НБА кој завршил повеќе од една сезона (и тоа последователно) со трипл-дабл просек.

Вестбрук го направи тоа четири пати (2016/17, 2017/18, 2018/19, 2020/21), Јокиќ му се приближи синоќа со две трипл-дабл сезони (2024/25, 2025/26), а на една остана легендарниот Оскар Робертсон (1961/1962).

Денвер по 49. победа сезонава е на четвртото место во Западната конференција, додека Јута е на претпоследното 14. место (21-56).

НБА лига, резултати:

Орландо – Атланта 101:130
Вашингтон – Филаделфија 131:153
Мајами – Бостон 129:147
Чикаго – Индијана 126:145
Хјустон – Милвоки 119:113
Мемфис – Њујорк 119:130
Торонто – Сакраменто 115:123
Јута – Денвер 117:130
Голден Стејт – Сан Антонио 113:127