ВИДЕО: Интер ита шампионски во Серија А, клупски рекорд на „нераѕурите“
Миланскиот клуб продолжува да доминира во најсилното италијанско првенство, вечерва убедливо славеше над Салернитана со 0:5.
Во првото полувреме Интер реализираше два гола преку Перишиќ во 11 и Думфрис во 33 минута од средбата на стадионот во Салерно.
По еднаш во листата на стрелците се запишаа уште Санчез во 52, Мартинез во 77 и Гаљардини во 87 минута.
Интер воедно стигна до клупски рекорд, со постигнувањето на вториот гол на мечот, стигнаа до јубилејниот 100 погодок годинава. Ова е и рекорд во историјата на клубот, најмногу досега реализираа во 1950 година кога застанаа на 99 погодоци.
Воедно стана четвртиот клуб во историјата на Серија А кој успеа да стигне до ова достигнување, Милан тоа го направи двапати со 105 голови во 1949 година и 120 голови во 1950 година, додека Ил Гранде Торино запиша 111 голови во 1947 година и 114 во 1948 година. Јувентус успеа да стигне до 100 голови само еднаш во 1933 година.
И Аталанта би можела да има бројка од 100 голови, моментно е на 99 погодоци.
Моментно играчите предводени од тренерот Симоне Инзаги се на првото место со 43 бодови, четири повеќе од второпласираниот Милан кој својот меч ќе го има на в недела против третопласираниот Наполи на Елиф Елмас кој има 37 бодови.
Салернитана останува на две победи оваа сезона и се наоѓа на последната 20 позиција со осум бодови.
Куп на Италија: Пандев, Елмас и Несторовски ги дознаа ривалите во осминафиналето