Вознемирувачки инцидент се случи во циркус во Ростов на Дон, кога тигар за време на настап излегол од арената и се упатил кон публиката, предизвикувајќи паника кај присутните, пренесува „Дејли стар“.

Истражните органи на Руската Федерација соопштија дека е отворена истрага по медиумските извештаи за настанот, кој се случил во Ворошиловскиот округ. Според официјалните информации, нема повредени, а животното било брзо фатено и вратено во кафез.

Tiger jumped into the audience during a performance:

In Rostov the animal was frightened by a falling net, so it jumped over it and ran into the spectator seats.

Panic broke out, and spectators were evacuated.

Preliminary reports indicate that no one was injured. pic.twitter.com/LukbOzWpsX

— Russian Market (@runews) April 19, 2026

Инцидентот се случил за време на настап на патувачки циркус со диви животни. Според сведоштва и снимки од местото на настанот, заштитната мрежа околу арената ненадејно се спуштила, што ги вознемирило трите тигри кои учествувале во точката. Во настанатата конфузија, еден од нив скокнал надвор од кругот и се нашол меѓу седиштата во публиката.

Меѓу гледачите, особено кај децата, настанала паника и се слушале вресоци, додека дел од возрасните се обидувале да се оддалечат. Организаторите преку разглас ги повикувале присутните да останат мирни и на своите места за да не се исплаши дополнително животното.

Според некои извори, тигарот накратко излегол и надвор од шаторот, но брзо се вратил, по што персоналот започнал со евакуација на најблиските редови. И покрај драматичните сцени, дел од публиката останала релативно присебна додека животното се движело меѓу празните седишта.

На крајот, дресерот успеал да го фати тигарот, да му стави огрлица и без поголеми потешкотии да го врати во оградениот простор.

Инцидентот се случил во популарниот Циркус Довгалјук, а случајот повторно ја отвори дебатата за безбедноста и за евентуална забрана на користење диви животни во циркуси.

Директорот на циркусот, Николај Довгалјук, изјави дека иако постоел одреден ризик, ситуацијата била брзо ставена под контрола. Тој нагласи дека станува збор за тренирани животни, но призна дека падот на мрежата најверојатно бил резултат на човечка грешка и несреќна околност.

Паралелно, и обвинителството на Ростовската област спроведува проверка за сите околности поврзани со инцидентот.