ВИДЕО | И Ноле е само човек: Синер во три драматични сета во Торино го победи Новак Ѓоковиќ!
Во дербито од „Зелената група“ на Завршниот АТП мастерс турнир во Торино, Италија, домашниот тенисер Јаник Синер го совлада првиот светски рекет Новак Ѓоковиќ со резултат 2:1 во сетови 7:5, 6:7 (5) и 7:6 (2).
На тој начин Србинот ја пропушти првата шанса да се најде во полуфиналето, и сега ќе мора да го победи Хуберт Хуркач со 2:0 во последното коло за да биде сигурен кога е во прашање пласманот во следната фаза. Доколку Ѓоковиќ загуби сет (победа од 2:1), тогаш ќе му биде потребна „услуга“ од Синер да биде подобар од Холгер Руне.
Во првиот сет победникот го решаваа нијанси и два нешто послаби сервиси на Ѓоковиќ. Италијанецот го искористи тоа и стигна до брејк во 11 гем со фантастични ритерни. Тоа не остави трага во играта на Ѓоковиќ, кој продолжи брилијантно да сервира и во вториот сет, а воедно го притисна ривалот на негов сервис. Сепак, Синер сервираше неверојатно добро и не дозволи ниту брејк.
Одлуката дојде во тај брејкот каде Новак успеа да ја надополни мини брејк предноста што ја имаше Италијанецот. Кога беше најтешко, Ѓоковиќ одигра импресивни поени и се избори за трет сет.
Home is where the HEART is ❤️@janniksin snaps Djokovic’s 19-match winning streak in an EPIC in Turin!!!#NittoATPFinals pic.twitter.com/5T0gRkaDr0
— ATP Tour (@atptour) November 14, 2023
Јаник имаше 4:2, а потоа следуваше првиот брејк на Новак, по 15 сервис-гема на Италијанецот во кои не успеа да му го одземе сервисот. Сепак, во тај брејк Ѓоковиќ немаше сили да му го зададе завршниот удар на својот ривал.
Носен од големата поддршка од трибините, Синер убедливо го доби тајбрејкот и триумфираше над Ѓоковиќ за првпат во кариерата.
Jannik Sinner puts his arms in the air & gives a smile after beating Novak Djokovic for the first time in his young career.
The crowd goes completely wild.
He’s bringing a different type of energy to Italian tennis.
What a moment 🇮🇹🥹
— The Tennis Letter (@TheTennisLetter) November 14, 2023
