ВИДЕО: Хаверц е херојот на Челси, Лидс со важна победа во Премиер лигата
Денеска во рамките од 29 коло во најсилното англиско првенство составот на Челси со 1:0 успеа да го совлада Њукасл.
Стрелец на единствениот погодок за лондонските „сини“ беше германскиот интернационалец Хаверц во 89 минута после асистенцијата на Жоржињо.
Составот на Томас Тухел ја продолжува победничката серија, се наоѓа на третата позиција со 59 бодови, зад Манчестер сити (69) и Ливерпул (66), додека Њукасл е на 14 место со 31 бод.
Лидс ја прекина негативната серија на порази и дома забележа важен триумф во борбата за опстанок против Норич со 2:1.
Домаќините стрелаа за предност во 14 минута преку Родриго, а на нови погодоци чекавме дури во самиот финиш од средбата на стадионот „Еланд роуд“. Најпрвин израмни МекЛин во 91 минута, а во 94 минута конечниот епилог го постави Гелхард.
Лидс е во безбедната зона на табелата, на 16 место со 26 бодови, додека на дното останува Норич со 17.
Во другите мечеви: Евертон – Вулверхемптон 0:1, Саутемптон – Ватфорд 1:2 и Вест Хем – Астон Вила 2:1.