ВИДЕО: Халанд му донесе радост на Сити во 95 минута, нереален пресврт на Лидс
Во рамките од 15 коло во Премиер лигата екипата на Лидс, по големата победа над Ливерпул, им донесе нова радост на своите навивачи откако на „Еланд роуд“ со 4:3 триумфираше над Бурнмаут.
Уште во третата минута поведоа домаќините преку Родриго од пенал, а гостите не само што израмнија пет минута подоцна со голот на Таверние, туку и дојдоа до позитива со погодокот на Билинг (19`).
На стартот од вториот дел Соланке реализираше за 1:3, но тука не се предаде составот на Марш кој направи целосен пресврт благодарение на Гринвуд (60`), Купер (68`) и Самервил (84`).
Манчестер сити со крајни напори успеа на „Етихад“ да го совлада Фулам. Алварез стрелаше за водство на „граѓаните“ во 16 минута, израмни Переира од пенал во 28 минута, а конечниот епилог го постави Халанд во самиот финиш од средбата (90+5`) со прецизен удар од белата точка.
Во другите два натпревари, Нотингем форест ремизираше со Брентфорд (2:2), а Брајтон славеше кај Вулверхемптон (2:3).