ВИДЕО: Германска репортерка се намачкала со кал за да излаже дека учествувала во напорите за расчистување по поплавите
Репортерка на германскиот „RTL“ добила отказ откако била фатена како се мачка со кал пред да снима репортажа во разурнат град од поплави оваа недела, пренесува „Deutsche Welle“.
Сузана Охлен (39) се намачкала со кал за да се преправа дека учествувала во напорите за расчистување во Бад Мунстереифел по големите поплави што однесоа најмалку 128 животи во Германија.
Bei Hochwasser-Berichterstattung mit Matsch eingerieben – RTL beurlaubt Reporterin https://t.co/1JoF57I0nD pic.twitter.com/FofaEsaXpX
— WELT (@welt) July 23, 2021
На снимката се гледа репортерката која е облечена во сина кошула, капа и чизми, а потоа може да се воочи како се наведнува, зема кал и ја размачкува на нејзината облека додека е опколена со оштетени куќи и остатоци од поплавите. Потоа се наведнува по втор пат, овој пат мачкајќи ја калта на лицето.
Таа била фатена откако еден сведок ја снимил додека го прави тоа, по што го објавил видеото на социјалната мрежа твитер:
Das ist die @RTLde Moderatorin Ohlen, die “anpackt” – wie im nachfolgenden RTL-Artikel geschrieben wird.@Hadmut @argonerd pic.twitter.com/l1zFOd1pdc
— Eddie Graf (@Eddie_1412) July 22, 2021
На твитот одговорија и од официјалниот профил на „RTL“: „Јасно е дека пристапот на нашата репортерка е во спротивност со новинарските принципи и нашите сопствени стандарди. Затоа ѝ дадовме отсуство од работа во понеделникот откако слушнавме за тоа.“
Das Vorgehen unserer Reporterin widerspricht eindeutig journalistischen Grundsätzen und unseren eigenen Standards. Wir haben sie daher direkt am Montag, nachdem wir davon erfahren haben, beurlaubt.
— RTL (@RTLde) July 22, 2021
На твитер се споделува и видеото од репортажата кое беше прикажано во понеделникот на германската телевизија „RTL“:
Das war übrigens das, was den #RTL-Zuschauern vor dem Bildschirm vorgegaukelt wurde: pic.twitter.com/ds6w12ZFPA @SusannaOhlen #FakeNews #Hochwasserhilfe #Hochwasser #Flutkatastrophe @kloeppelpeter
— Michael Ziesmann (@M_Ziesmann) July 22, 2021
Репортерката се огласи на својот инстаграм-профил по инцидентот.
„Во понеделник направив сериозна грешка пред репортажата за „Gutten Morgen Deutchland“. Претходните денови веќе помогнав приватно во регионот и утрото кога морав да застанам пред камерата ми беше срам да го направам тоа со чиста кошула. Потоа, без да размислувам двапати, намачкав кал на облеката. Како новинар, никогаш не смееше да си го дозволам тоа. Како личност што се грижи за страдањата на сите погодени, жал ми е“.
View this post on Instagram
