ВИДЕО: ФИБА нè потсетува на македонската бајка, 10 години од сензацијата во Каунас
Поминаа точно 10 години од досега најдобриот пласман на една македонска сениорска репрезентација на европските шампионати.
Во 2011 година нашата сениорска селекција тогаш предводена од Марин Докузовски го освои четвртото место на континенталниот собир кој се одржуваше во Литванија.
За првпат во историјата се најдовме во борбата за медали и бевме многу блиску да бидеме на подиумот Топ 3 најдобри европски кошаркарски репрезентации на тоа ЕП.
Денеска ФИБА ЕвроБаскет на социјалните мрежи го објави едно од најголемите изненадувања во историјата на Европските првенства.
VLAAAAADO ILIEVSKI! 🗣️📢#MemoryMonday: 10 years ago, 🇲🇰 shocked 🇱🇹 for one of the greatest upsets in #EuroBasket history! 😲 pic.twitter.com/CylktMAOh0
— FIBA EuroBasket (@EuroBasket) September 13, 2021
Македонија пред 10 години во четвртфиналето ги шокираше домаќините, Литванците, кои беа совладани во еден крајно возбудлив финиш со резултат 67:65.
Владо Илиевски кого го спомнува ФИБА ја постигна клучната тројка за историска победа во „Жалгирис“ Арената во Кунас. Погледнете на видео записот како сето тоа изгледаше: