ВИДЕО | Емболо погоди против „своите“ и донесе победа за Швајцарија
Швајцарија важеше за благ фаворит против Камерун во денешниот прв натпревар на програмата и таа улога Швајцарците ја оправдаа со триумф од 1:0.
Камерун денес имаше свои шанси, меѓутоа Зомер во секоја од приликите на репрезентативците на Камерун беше на висина на задачата. Заканите Камернците најчесто ги испраќаа преку Чупо-Мотинг од Баерн и соиграчот на Елиф Елмас од Наполи, Ангуиса.
Одлучувачкиот момент на натпреварот се случи на стартот на вториот дел кога Емболо кој е роден во Камерун го совлада Онана. По тој гол на Швајцарија падна нивото на игра Камерун, па Швајцарија без многу проблеми ја одбрани предноста до крајот на средбата. Сеферовиќ во последните моменти имаше и одлична прилика за 2:0, но не погоди.
O atacante suíço Breel Embolo marcou o gol de sua seleção contra o Camarões e não comemorou. O motivo: ele nasceu em Youndé, capital de Camarões, e se naturalizou suíço. pic.twitter.com/UI5HZqXcyW
— William De Lucca (@delucca) November 24, 2022
Во продолжение од денешната програма Уругвај од 14:00 часот ќе се сретне со Јужна Кореја, потоа Португалија игра со Гана и во вечермиот термин од 20:00 часот е дербито на денот помеѓу Бразил и Србија.