Британската пејачка Џеси Џеj (37) се препушти на емоциите за време на настап во Лондон додека ја изведуваше песната „Comes in Waves“. Таа пред публиката откри дека пред четири години го загубила своето бебе и дека токму оваа песна е посветена на тој тежок период од нејзиниот живот, пренесува „Пипл“.

@jessiej I hope this song can support anyone who has experienced the loss of someone in anyway. Grief is a horrible lonely journey and I know music can be a holding hand always. ❤️ #JessieJ #NewMusic #DontTeaseMeWithAGoodTime ♬ I’LL NEVER KNOW WHY – Jessie J

„Денес се навршуваат точно четири години откако го изгубив моето бебе. Не знам дали некој од вас поминал низ нешто слично, но ако сте поминале или знаете некој што поминал, знаете колку е тоа проклето тешко,“ искрено им се обрати таа на присутните.

Пред оваа исповед, Џеси Џеј ја изведе една од новите песни од албумот „Don’t Tease Me with a Good Time“, по што не успеа да ги задржи солзите – се заврте настрана и ги избриша солзите, борејќи се да ја продолжи изведбата.

„Тоа е нешто за што никогаш не можеш да се подготвиш. Оваа песна е за сите што го имаат поминато истото. Се надевам дека барем малку ќе ви помогне,“ додаде пејачката.

Песната „Comes in Waves“ содржи исклучително потресни стихови: „Доаѓа во бранови, како да се давам во љубовта по која копнеам, што ми ја даде. И ме боли колку ми недостасува иднината што никогаш не ја создадовме.“

Да потсетиме, во ноември 2021 година таа на Инстаграм откри дека решила сама да стане мајка, но на третиот ултразвук дознала дека бебето повеќе нема срцева акција.

По две години од тој тежок губиток, во мај 2023 година, Џеси Џеј и нејзиното момче Чанан Сафир Колман го добија својот син Скај.