Викторија Бекам се присети на деновите на својата најголема слава, кога пееше со „Спајс грлс“, изведувајќи го хитот од 1997 година „Viva Forever“ во акустична верзија заедно со нејзиниот 20-годишен син Круз.

Во видеото што во средата го сподели Круз Бекам на Инстаграм, Викторија, позната како Пош Спајс, седи на кревет во дневната соба и игра додека нејзиниот син свири гитара и пее. Зад камерата беше и легендарниот Дејвид Бекам, кој во последниот рефрен се вклучи на негов шеговит начин.

„Извинете, сè расипав“, се пошегува поранешниот фудбалски ас.

 

View this post on Instagram

 

A post shared by CRUZ (@cruzbeckham)

Многумина веднаш почнаа да претпоставуваат за можен камбек на „Спајс Грлс“, а минатиот месец Викторија коментираше за потенцијалното повторно обединување со Мел Би (Scary Spice), Мелани Си (Sporty Spice), Гери Халиуел (Ginger Spice) и Ема Бантон (Baby Spice).

Гостувајќи кај Анди Коен, на прашањето за повторното обединување на групата, Викторија призна:

„Звучи примамливо“.

Додаде и дека светска турнеја би била преголем залак за неа:

„Не можам да постигнам. Имам работа.“

Викторија се пошегува и на сопствен сметка и на своите вокални способности:

„Не знам ни дали уште можам да пеам. Никогаш не бев добра.“

„Спајс Грлс“, кои беа заедно од 1994 до 2000 година, неформално повторно се собраа на прославата за 50-тиот роденден на Викторија, каде што го изведоа својот хит од 1997 година „Stop“. Нивниот последен заеднички настап беше на затворањето на Олимписките игри во Лондон во 2012 година.