Лука Дончиќ одигра уште еден одличен натпревар за триумф на Лос Анџелес лејкерс над Сакраменто кингс со убедливи 128-104, додека Никола Јокиќ имаше уште поимпресивна индивидуална вечер, но неговиот Денвер загуби на домашен терен од Минесота со 108-117.

Лејкерси уште во првата четвртина ги решија сите дилеми околу победникот, откако ја добија со убедливи 36-18. До крајот само рутински ја контролираа играта и ја потврдија високата победа.

Дончиќ беше најефикасен на натпреварот со 28 поени, на кои додаде и девет асистенции. Кај Сакраменто, најрасположен беше Клифорд со 26 поени, но неговиот учинок не беше доволен за посериозен отпор.

Денвер, пак, го запиша вториот пораз во низа и трет во последните четири средби. Јокиќ  дуелот го заврши со 35 поени, 13 скокови и девет асистенции, останувајќи на чекор до трипл-дабл, но и тоа не го спаси тимот од неуспех. Минесота до победата стигна со колективна игра, а најефикасен во нивните редови беше Едвардс со 21 поен.

НБА РЕЗУЛТАТИ:

Њујорк – Сан Антонио 114-89
Бруклин – Кливленд 102-106
Чикаго – Милвоки 120-97
Денвер – Минесота 108-117
Индијана – Мемфис 106-125
Аталанта – Портланд 135-101
Орландо – Детроит 92-106
Бостон – Филаделфија 114-98
Далас – Оклахома 87-100
ЛА Клиперс – Њу Орлеанс 137-117
ЛА Лејкерс – Сакраменто 128-104